Para todo o meu alumnado

Bo día!
Como vai todo? Gustouvos a quedada virtual? Outro día podemos intentalo outra vez.
Hoxe trátase de debuxar paso a paso con Leandro Lamas, tedes as fotos ordenadas pasiño a pasiño. Antes de pintar o debuxo tes que poñer un título ao libro (en galego!) e ao disco (en galego!). Despois coloréao e fai unha pequena biografía de Leandro. A continuación, envíamo ao correo.
Se preferides facer un audio coa biografía, perfecto! Para o alumnado de obradoiro de comunicación oral é obrigatorio facer audio.

Espero ansiosa o resultado dos vosos traballos. Tedes até despois de Semana Santa. Chulada!!!

Amor

Bo día!
Hoxe trátase de escoitar. Aí vos vai un vídeo caseiro, a ver se vos gusta.

Podedes comentar na publicación o que queirades, vai para todas e todos vós.

Apertas!

Viaxamos?

Bo día!
Como vai ese encerro? Animádevos a contarme como o levades e se na familia vai todo ben. Eu ben cos meus fillos, resistindo e vivindo con dous adolescentes, traballando e dándolle á cabeza para buscar propostas que vos poidan animar a aprender dunha maneira diferente pois as circunstancias son distintas.
Se vos animades, un día podemos facer unha quedada virtual (mandádeme un correo e concretamos).
Hoxe propóñovos viaxar por Galicia e descubrir canto sabemos da cultura galega. Contádeme como vos foi e cal é o voso nivel. E despois de saber o noso nivel cultural imos darlle á lingua coa Galicia anagramática, tedes que facer dez anagramas e enviarmos. Atrevédesvos?

Tedes até o mércores día 1. Forza!!!!

E para pasar mellor o tempo: Radio Cos.

Día Mundial do Teatro

Bo día!
Como ides? Espero que todo vaia ben as propostas que vos fago vos resulten interesantes.
Hoxe é o Día Mundial do Teatro e desta volta toca investigar un pouquiño sobre os seguintes grupos teatrais:
- Chévere.
- Tanxarina.
- Sarabela Teatro.
(Quen forma a compañía, desde cando, algunha obra que representasen, algo que vos resulte interesante...)
E tamén podedes nomear dúas ou tres compañías máis.
Facédeo no caderno. Podedes buscar información: escenagalega.gal, erregueté...
E se vos apetece, podedes dramatizar algún fragmento dalgunha lectura que teñades pola casa e que vos guste (se participan as persoas da casa moito mellor).
Déixovos Sons Miúdos que mestura música e teatro, a ver que vos parece?
Boa fin de semana!

Lecturas

Boa tarde!
Como vai todo? Por se queredes aproveitar para ler, aquí podes coller os libros de lectura. Funciona como unha biblioteca normal só que virtualmente.
Galiciale
E nesta ligazón tedes outras posibles lecturas en galego.
Ánimo!!!
Mar

Déixovos aquí o vídeo de presentación do proxecto aulasgalegas.org

Adestramos?

Boa tarde!
Algunhas de vós xa sabedes do reto que vos propuxen. Para quen non vise o correo ou non lle chegase, facemos un pasagalego colaborativo? Se vos animades, mandádeme un correo. O que si preciso é alguén que monte o vídeo, xa sabedes da miña torpeza!
Vouvos deixar un pasagalego que fixen desde a casa. A ver que vos parece e a ver se sodes quen de adiviñar todas as palabras (se mas enviades correctas ao correo, á volta hai premio💓)

Determínate!

Boa tarde!
Como vai ese encerro? Andades moi agobiadas de traballo? Se queredes, podes contarme como o levades ou facer un diario e comentámola á volta. É unha proposta!!!
Mentres vouvos deixar este xogo para que vaiades practicando e aprendendo algúns determinantes (non os vimos todos pero eu sei que sabedes moito máis do que vos parece!!) Quen se anima á aventura???
Determínate.

Mentres déixovos esta canción de Magín Blanco García, está gravada co móbil pero hai que facerlle caso!!! #nósquedamosnacasa

Para todo o meu alumnado

Bo día!
Como ides? Levamos xa máis dunha semana e descontando, moito ánimo, entre todas conseguirémolo. #euquedonacasa

Hoxe vouvos propoñer outro reto, a ver quen se anima a dicir este trabalinguas, gravarse e mandarmo ao correo. Animádesvos?!!!
Eu si
;)

Día da poesía (paraa todo o meu alumnado de 1º e de 2º de ESO)

Ola!
Hoxe é o Día Mundial da Poesía e por iso vos vou propoñer este reto de aulasgalegas.org

Como seguro que non mirades as tarefas até o luns, esta é a tarefa do luns e do martes. As solucións enviádelas ao correo.

E como non podía ser menos aquí vos vai un poema de Celso Emilio musicado pola Banda da Loba, titúlase "Abrente".


  

2º vídeo da muiñeira. Bailamos?

Como che foi o primeiro día da muiñeira? Aquí van os seguintes pasos. Anímate e se queres mandarme un vídeo co resultado, aquí o espero!!!
#euquedonacasaperononparo




 

Para todo o alumnado de 1º

Bo día!
Como vai todo? Pois a tarefa que tedes que facer é vivir esta aventura e cumprir a misión. Atrevédesvos?

Comeza a aventura!


Déixovos esta canción para que a partilledes coa familia:

Traballo para o mércores 18

Ola!

Como vai ese encerro? Pensade que xa falta menos e entre todas conseguiremos parar este virus. Moito ánimo!

Xa que está tan de moda o teletraballo imos facer o apartado 3 (comunicación escrita...) da unidade 3 de Planeta: As variedades da lingua. Todo o mundo me ten que mandar un correo electrónico para explicar o que acaba de facer neste apartado. Grazas!

Para que non se vos esquezan os pronomes e o traballo que fixemos con eles, podedes practicalos no blog nasenra

No apartado aprendogalego podedes practicar máis.

Para comezarmos a ver as variedades da lingua, botádelle un ollo a este vídeo realizado polo alumnado de Ribadeo: Eu digo...

Outro día menos!!!

Traballo para o luns 16 e o martes 17

Ola!
Como vai ese ánimo? Espero que siga intacto. #euquedonacasa Todas xuntas podemos!! Responsabilidade!
Mentres tanto temos que seguir dalgunha maneira así que ánimo!!

Da unidade 2 O Plurilingüismo, ides ao apartado 5: Ortografía. Ledes a teoría (é de repaso) e facedes as tarefas, aínda que son interactivas, por favor, facédeas no caderno. Tarefas: os catro apartados de PRACTICA.

Moito ánimo!!! Entre todas conseguiremos parar a pandemia.
Por certo, buscade no portaldaspalabras o significado de pandemia.

Mentres traballades, podedes escoitar algunha cancionciña, aí vos vai unha suxestión:

Aviso para 2º de ESO

Boa tarde!




Como levades estar na casa? Para que aproveitedes o tempo, Ánxeles di que tedes as tarefas de 2º no libro dixital.


Déixovos este vídeo de MJ Pérez para que vos axude a levalo un pouco mellor.
Ánimo!!!!

Obradoiro de regueifas: Lupe Blanco.

A regueifeira Lupe Blanco veu explicarnos como se facían as regueifas. Viña acompañada doutro regueifeiro chamado Óscar. Primeiro, crearon unha regueifa improvisada para presentarse. Lupe explicounos que a regueifa podía ser unha danza ou un bolo que se repartía nas vodas. A xente xuntábase en grupos e cando un tiña pensada xa unha rima dicía: “Bomba!” e comezaba a meterse cos dos outros grupos. O outro grupo contestaba dicindo: “Bomba!”, cando tiña a reposta pensada.

Tamén nos contou que ela viña de Bergantiños. Seu bisavó tamén facía regueifas. Aínda que morreu hai máis de 30 anos. En Bergantiños tamén existe unha composicion chamada brindo, aínda que só hai un brindeiro que ten 93 anos. O número de regueifeiros é un pouco máis numeroso pois 11 ou 12.

Co paso do tempo, en vez dar un bolo daban bonecas. Algunhas delas tiñan cartos dentro. Despois, explicounos que as regueifas son coplas de catro versos nas que riman os versos pares. Normalmente as palabras máis importantes van na posición de rima.

A continuación, puxémonos en grupos e fixemos as nosas propias regueifas.

Déixovos unha mostra do aprendido coa regueifa que fixemos para a clausura dos 21 días co galego e + e un anaco do obradoiro.

Clausura dos 21 días co galego e +

Jorge Mira ten algo que dicirvos.

Jorge Mira é catedrático no Departamento de física aplicada da Universidade de Santiago de Compostela.

María Faltri e a súa escola

María Faltri e o seu alumnado envíannos este marabilloso vídeo de todo o que se pode facer en galego. Grazas!!!!💜💜💜💜💜💜

María Faltri é unha cantante multidisciplinar. Participou con Magín Blanco n'A nena e o grilo e agora ten un proxecto propio con Jorge Juncal: Papi e Mami, fantasía coas palabras. Se clicas aquí, podes escoitala.

Paula Carballeira convídanos a superar o reto!!!

Paula Carballeira, escritora, poeta, contadora... convídanos a superar o reto dos 21 días co galego e convertelos en moito máis! Para saber máis dela podedes visitar a páxina da Asociación de Escritores en Lingua Galega. 

Grazas, Paula!!!!!

Xoel, Iván e Javier explícannos algúns aspectos do atletismo.