Olga Patiño Nogueira e Héctor Cajaraville

Boa tarde!

Como vai todo? Seguimos achegándonos ao 23 de abril e aquí vos deixo as miñas propostas. Espero que vos gusten. 

Ánimo, falta menos para que nos volvamos ver!                                                                

                                                                                                   

Palabras para inspirarse (para o alumnado de 1ºA, B e C)

Boa tarde!
Como vai o día?  Gustouvos o vídeo da clausura dos 21 días co galego e +? Que emoción, verdade? Eran tempos de risas compartidas pero volveremos en breve, xa veredes.
Mentres tanto temos que seguir traballando así que aló imos. Como non sei como están os ánimos polas casas, vouvos propoñer facer un cartel motivador cun debuxo que o acompañe. Aquí vos deixo a proposta e a partir dela tedes que facer o voso cartel "para inspirarse", "para motivarse", "para rir", "para...", o que queirades, sempre en positivo!
Unha vez que teñades co cartel co lema/palabra/frase... e o debuxo, mandádesmo ao correo e farei unha pequena montaxe con eles. Parécevos? Tedes de prazo até o domingo que vén, día 19.
Por certo, hoxe é o día da República, quen me conta por que?

Para vos inspirardes:

Bo día!

Ola! Como foi esa Semana Santa tan diferente a outras? Espero que fose o mellor posible. Agora que volvemos á "normalidade" e que non temos noticias da Consellaría sobre o noso futuro, imos retomar o noso traballo.
Por iso vos vou deixar aquí unha lembranza doutros tempos alegres. Volveremos a vernos!

Grazas, Maite!

Ánimo!

Obradoiro de regueifas: Lupe Blanco.

A regueifeira Lupe Blanco veu explicarnos como se facían as regueifas. Viña acompañada doutro regueifeiro chamado Óscar. Primeiro, crearon unha regueifa improvisada para presentarse. Lupe explicounos que a regueifa podía ser unha danza ou un bolo que se repartía nas vodas. A xente xuntábase en grupos e cando un tiña pensada xa unha rima dicía: “Bomba!” e comezaba a meterse cos dos outros grupos. O outro grupo contestaba dicindo: “Bomba!”, cando tiña a reposta pensada.

Tamén nos contou que ela viña de Bergantiños. Seu bisavó tamén facía regueifas. Aínda que morreu hai máis de 30 anos. En Bergantiños tamén existe unha composicion chamada brindo, aínda que só hai un brindeiro que ten 93 anos. O número de regueifeiros é un pouco máis numeroso pois 11 ou 12.

Co paso do tempo, en vez dar un bolo daban bonecas. Algunhas delas tiñan cartos dentro. Despois, explicounos que as regueifas son coplas de catro versos nas que riman os versos pares. Normalmente as palabras máis importantes van na posición de rima.

A continuación, puxémonos en grupos e fixemos as nosas propias regueifas.

Déixovos unha mostra do aprendido coa regueifa que fixemos para a clausura dos 21 días co galego e + e un anaco do obradoiro.

Clausura dos 21 días co galego e +

Grazas, Esther!!!!

Grazas Uxía Senlle e Sergio Tannus!!

Clausura dos 21 días co galego e +

Jorge Mira ten algo que dicirvos.

Jorge Mira é catedrático no Departamento de física aplicada da Universidade de Santiago de Compostela.

María Faltri e a súa escola

María Faltri e o seu alumnado envíannos este marabilloso vídeo de todo o que se pode facer en galego. Grazas!!!!💜💜💜💜💜💜

María Faltri é unha cantante multidisciplinar. Participou con Magín Blanco n'A nena e o grilo e agora ten un proxecto propio con Jorge Juncal: Papi e Mami, fantasía coas palabras. Se clicas aquí, podes escoitala.

Paula Carballeira convídanos a superar o reto!!!

Paula Carballeira, escritora, poeta, contadora... convídanos a superar o reto dos 21 días co galego e convertelos en moito máis! Para saber máis dela podedes visitar a páxina da Asociación de Escritores en Lingua Galega. 

Grazas, Paula!!!!!

Cociñamos tortiñas!

Xoel, Iván e Javier explícannos algúns aspectos do atletismo.

Miriam Rodríguez animános a superar o reto.

Miriam Rodríguez Gallego é unha pontedeumesa compositora, cantante, guitarrrista... Deuse a coñecer pola súa participación en OT 2017. Aquí vos vai a súa mensaxe.

Grazas, Miriamª!!!

Se queredes saber máis sobre ela, podedes visitar a súa web.

1º reto: vídeo instrutivo.

Comezan a cumprirse os retos dos 21 días co galego e +! Parabéns!!!!

                                                          

María Fumaça anímavos a cumprir o reto dos 21 días co galego e +

María Fumaça co seu maquinista, Rui, anímanvos a cumprir o reto!!! 21 séculos!!!!

Aquí podedes ver o seu último traballo. María Fumaça sempre comprometida!!!

A lingua tamén se adestra!

Desde o club de atletismo La Mochila del Deporte convídannos a adestrar a lingua. 21 días co galego e + 

 

Preparando a muiñeira. Quentando motores!!!!

César Cambeiro anímavos a cumprir o reto dos 21 días!!! Sen problema!!

21 días co galego e +

Comezamos os 21 días co Galego e +!!!

 21 DÍAS CO GALEGO E + 2020
Por que estamos aquí?
A nosa finalidade é conseguir un dos obxectivos do sistema educativo en Galicia, que todos sexamos quen de falar en galego con soltura e corrección.

Que dous obxectivos ten este programa?
1) Aumentar e perfeccionar o emprego oral do galego durante 21 días e no futuro.
2) Que cada quen reflexione de maneira íntima sobre a relación que ten co galego dende a súa situación vital concreta e individual e co resto de linguas que coñece.

Temos máis obxectivos?
Si, porque somos persoas ambiciosas de saber, por iso podemos dicir que tamén aspiramos a:
Coñecer e valorar a importancia do uso da lingua galega como elemento fundamental para manter a identidade de Galicia.
Valorar o galego como expresión da nosa riqueza cultural.
Potenciar a nosa relación coa comunidade lusófona.
Achegarnos a áreas de interese para a adolescencia.

Quen vai acadar estes obxectivos?
Vós, porque vós sodes as únicas e únicos protagonistas, de vós depende o seu éxito ou o seu fracaso.
Nos 21DCGe+ non hai enganos, trátase dun reto individual para ti pero tamén é un reto colectivo para todo o noso instituto.
Mais non pensedes que estades sós, somos moitas persoas as que vos imos acompañar neste camiño, profesorado, conserxes, persoal da cafetaría (neste caso personalízase para cada centro), as vosas familias, a xente galegofalante que hai na sociedade e, por suposto, as vosas compañeiras e compañeiros que vos han servir de alidados para usar e querer máis o galego.


E que imos facer?
Pois ides falar, falar e falar.
Ademais de falar, cada día nas aulas (de luns a venres) e na casa (as fins de semana) tedes que visitar a páxina web do programa.
21 DÍAS CO GALEGO E +
https://blogs.xunta.gal/21diascogalegoemais/
Nela atoparedes as instrucións polo miúdo para seguir o programa.