Como sabedes, desde Dinamización propúxose a actividade "Quérote en galego", onde tiñades que redactar unha carta para expresarlle os vosos sentimentos ás vosas amizades, familia, mascotas... a quen vós quixerdes.
Coas vosas achegas, formamos o mural que podedes ver estes días na entrada do instituto. Quedou realmente ben!
O pasado venres 11 de xuño visitounos MJ Pérez. Que marabilla de muller! Canto aprendemos con ela de creación musical, de videoclips, de música pero, sobre todo, de vida!
Ademais, aproveitamos para que entregase os premios das gañadoras do Gud Talento. Festa das Letras.
Moitas grazas!!!!
Terceiro premio.
Primeiro premio.
O xoves 20 o alumnado do IES Afonso X fixo unha lectura continuada da obra de Xela Arias. Ao longo da mañá unhas 250 persoas pasaron pola biblioteca para achegarse á figura da autora. Mentres un grupo facía a lectura, outro grupo escollía versos da escritora e facíaos seus coa técnica que quixese (pintura, debuxo, colaxe...), ao final da mañá colocamos os versos para crear un novo poema colaborativo, o noso "centón". Era a primeira vez que faciamos esta actividade e resultou un éxito pois tanto a lectura como o resultado do centón foi espectacular.
Deixámosvos unha mostra:
O mércores 19 tivemos o Gud Talento. Festa das Letras. O alumnado de 4º C organizou, coa súa titora, Patricia Estraviz, este festival para o alumnado de 1º da ESO. Dende aquí queremos darlles os parabéns tanto ao grupo organizador como a todas as persoas participantes. Foron 18 probas e unhas 50 persoas participantes en total. Só pasaron á final 6, o xurado foi moi esixente!
O fío condutor foi Xela Arias: vídeo-presentación, recitado de poemas..., fantástico!
As persoas gañadoras recibirán os seus premios, se pode ser, o venres 11 na charla concerto de Guadi Galego.
Parabéns!
Esperamos que nos pasen axiña o vídeo-resumo. De momento un aperitivo:
O alumnado e as súas familias homenaxean a Rosalía de Castro o día do seu aniversario, 24 de febreiro. Moitas grazas e parabéns polo traballo!!
Quen se anima a facer a debuxar con Leandro Lamas? Nesta ligazón tedes o debuxo paso a paso. Se vos animades, mandádeo a afiestradoafonso@gmail.com
Aquí tedes esta proposta para facerdes en familia este Entroido. Tedes de prazo até o día 21 para me enviardes os vídeos. Ánimo!!!
Se queredes velo en pdf, picade aquí.
Este xoves visitou o noso centro Óscar García Patiño, alcalde de Cambre, acompañado de Ramón Boga, concelleiro de Turismo e Patrimonio, e de Miguel Ángel Gutiérrez, concelleiro de Educación e Sanidade
Jasmín cantou con el, voz e guitarra, fantástica!
Karolina, Natalia, Daniela e Daniel fixéronlle unha presentación magnífica. Parabéns!
Déixovos fotiños e algún petisco do concerto!
Grazas, Xoán!
O pasado luns, 9 de novembro, tivemos a entrega de premios do Concurso de microrrelatos para festexar o Samaín. Fixemos a entrega no salón de actos e acompañounos a directora, Belén Vidal Marcote. A presentación fixérona Natalia e Carolina, marabillosas!
Entregaron os premios Belén Vidal Marcote, directora do centro, e Mar Hermida Pico, coordinadora do EDLG.
Despois de entregar os premios e ler os textos premiados, 1º B e 2º B viron a película O Apóstolo de Fernando Cortizo.
